Umhverfisstefna Taktikal

Umhverfisstefna og gildi Taktikal

Við höfum ástríðu fyrir umhverfinu og vörurnar okkar lágmarka neikvæð umhverfisáhrif.
Í samstarfi við viðskiptavini okkar minnkum við kolefnisfótspor þeirra.
Við treystum hvort öðru til að vera meðvituð um umhverfisáhrif og leggja okkar af mörkum.
Við höfum jákvæð áhrif á umhverfisvernd með gjörðum okkar.

Markmið umhverfisstefnu Taktikal

Stefna Taktikal er að starfsemi fyrirtækisins hafi sem minnst neikvæð áhrif á umhverfið. Taktikal notar umhverfisvænustu lausnir sem í boði eru í sinni starfsemi og veitir jafnframt viðskiptavinum sínum aðgang að lausnum til að draga úr sínum umhverfisáhrifum með því að nota rafrænar traustþjónustur og rafræna ferla sem draga úr kolefnisfótspori þeirra.

Skrifstofan og starfsfólk

Umhverfisstefna Taktikal er framkvæmd með ýmsum hætti í daglegum rekstri á skrifstofu. Starfsfólk leggur sig fram um að leggja sitt af mörkum meðal annars með því að nota margnota vatnsbrúsa, flokka rusl og vera meðvitað um matarsóun. Fyrirtækið hvetur til fjarfunda, vistvæns ferðamáta og notast við netþjóna sem eru kolefnisjafnaðir.

Umhverfisstefnan í framkvæmd

• Pappír
  Enginn pappír er notaður á skrifstofu Taktikal.
• Rusl
  Allt rusl sem fellur til á skrifstofu er flokkað.
• Margnota
  Starfsmenn nota margnota vatnsbrúsa og kaffibolla í stað einnota.
• Matarsóun
  Lágmarks matarsóun er í mötuneyti, starfsfólk er hvatt til að láta vita þegar það getur ekki nýtt matinn sem það hefur pantað, svo aðrir geti nýtt hann.
• Fjarvinna
  Starfsfólk getur sinnt starfi sínu að heiman þegar við á.
• Samgöngur
  Við bjóðum við starfsfólki okkar upp á sveigjanlegan vinnutíma sé þess kostur, t.d. að mæta til vinnu utan háannatíma.
• Fjarfundir
  Taktikal hvetur til fjarfunda til að lágmarka bílferðir starfsmanna og viðskiptavina.
• Kolefnisjafnað rekstrarumhverfi
  Netþjónar Taktikal eru í Azure skýjalausn en rannsóknir hafa sýnt að slíkar lausnir eru allt að 93% meira orkusparandi heldur en hefðbundnir netþjónar. Þar að auki eru hýsingar og gagnagrunnar lausna Taktikal kolefnisjafnaðir.

Vörurnar

Taktikal vinnur jafnframt markvisst að því með vöruframboði sínu að hjálpa viðskiptavinum að minnka kolefnisfótspor sitt. Rafrænar undirskriftir spila mikilvægt hlutverk í þeirri stafrænu umbyltingu sem á sér stað um allan heim. Rafrænar undirskriftir og sjálfvirkir ferlar hafa einnig bein jákvæð umhverfisáhrif.

Útreikningur á kolefnisspori

Miðað er við stystu vegalengd frá lögheimili undirritenda. Minnkað kolefnisspor er reiknað út frá kílómetrafjölda samkvæmt útreikningum Bílgreinasambands Íslands frá 2019 fyrir útblástur meðalbifreiðar eða 127 gr á hvern kílómetra.

‍